मुंबई, दि. १६ : विद्यार्थ्यांच्या शाळा प्रवेशाच्या पहिल्या दिवशी महाराष्ट्र राज्य प्राथमिक शिक्षण परिषदेचे राज्य प्रकल्प संचालक संजय यादव यांनी वरळी नाका शाळा संकुलमधील विद्यार्थ्यांचे स्वागत केले.
वरळी नाका शाळा संकुल येथे शाळेच्या पहिल्या दिवशी विद्यार्थी प्रवेशोत्सव कार्यक्रम पार पडला. यावेळी राज्य प्रकल्प संचालक संजय यादव प्रमुख अतिथी म्हणून उपस्थित होते. बृहन्मुंबई महानगरपालिका शिक्षणाधिकारी राजेश कंकाळ, समग्र शिक्षा अभियानाच्या सहायक संचालक सरोज जगताप, जी दक्षिण विभागाच्या प्रशासकीय अधिकारी वर्षा गांगुर्डे, संकुलातील सर्व माध्यमाच्या शाळांचे मुख्याध्यापक, शिक्षक, विद्यार्थी आणि पालक यावेळी उपस्थित होते.
यावेळी यादव यांनी शिक्षक विद्यार्थी पालक यांच्याशी संवाद साधून विद्यार्थ्यांना नवीन शैक्षणिक वर्षासाठी शुभेच्छा दिल्या.
०००
बी.सी.झंवर/विसंअ
