मुंबई दि. 8 : लोकसभेच्या सार्वत्रिक निवडणुकीसाठी 27- मुंबई उत्तर पश्चिम मतदारसंघासाठी नियुक्त सामान्य निरीक्षक संजयकुमार खत्री यांनी मतदारसंघातील मतदान केंद्रांना भेट देऊन पाहणी केली.
श्री. खत्री सन 2010 च्या भारतीय प्रशासकीय सेवेच्या तुकडीचे सनदी अधिकारी आहेत. ते मतदारसंघात दाखल झाले आहेत. त्यांनी 165- अंधेरी पश्चिम, 166- अंधेरी पूर्व, 158- जोगेश्वरी पूर्व, 164- वर्सोवा विधानसभा मतदारसंघाच्या मध्यवर्ती मतदान केंद्रांना भेट दिली. या भेटीत त्यांनी निवडणूक पूर्वतयारीच्या उपाययोजनांसह गृह मतदानासाठी केलेली तयारी, मतदान कर्मचाऱ्यांचे प्रशिक्षण, टपाली मतपत्रिका वाटप कामकाज, मतदार स्लीपचे वाटप, स्ट्राँग रुमसाठी तयार केलेली व्यवस्था व सुरक्षा उपाययोजना, कायदा व सुव्यवस्था राखण्यासाठी तैनात पोलिस कर्मचारी, तात्पुरते मतदान केंद्र उभारणे, मतदार जनजागृती अभियान, खर्च तपासणी आदी बाबींचा आढावा घेतला. शांत व पारदर्शक निवडणूक प्रक्रियेसाठी आवश्यक त्या सूचना संबंधित सहायक निवडणूक निर्णय अधिकारी व त्यांच्या कर्मचाऱ्यांना निरीक्षक श्री. खत्री यांनी दिल्या.
0000