मुंबई, दि. 26 : महापारेषणचे मुख्यालय असलेल्या प्रकाशगंगा येथे भारताचा 76 वा प्रजासत्ताक दिन उत्साहात साजरा करण्यात आला. तसेच महापारेषणच्या सात परिमंडळ कार्यालयांमध्येही प्रजासत्ताक दिनाच्या निमित्ताने विविध कार्यक्रम घेण्यात आले.
प्रकाशगंगा येथील मुख्यालयात महापारेषणचे संचालक (संचलन) सतीश चव्हाण यांनी ध्वजवंदन केले. यावेळी महापारेषणचे संचालक (मानव संसाधन) सुगत गमरेयांच्यासह वरिष्ठ अधिकारी व कर्मचारी मोठ्या संख्येने उपस्थित होते.
ऊर्जा विभागाच्या चित्ररथाने वेधले लक्ष
दादरच्या शिवाजी पार्कवर झालेल्या चित्ररथाच्या सादरीकरणावेळी महापारेषणच्या (ऊर्जा विभाग) चित्ररथाने सर्वांचे लक्ष वेधले. विशेषतः मुख्यमंत्री सौर कृषी वाहिनी 2.0., पारेषणचे वहन, नविनीकरणीय ऊर्जा या संकल्पनेवर असलेल्या चित्ररथाने उपस्थितांची वाहवा मिळविली. ऊर्जा विभागाच्या अपर मुख्य सचिव श्रीमती आभा शुक्ला व महापारेषणचे अध्यक्ष व व्यवस्थापकीय संचालक डॉ. संजीव कुमार यांच्या मार्गदर्शनाखाली हा चित्ररथ तयार करण्यात आला.
0000
The post महापारेषणमध्ये ७६ वा प्रजासत्ताक दिन उत्साहात साजरा first appeared on महासंवाद.
