नाशिक, दिनांक 14 मार्च, 2024 (जि. मा. का. वृत्तसेवा : नागरिकांना आवश्यक सेवा- सुविधा मिळण्यासाठी येवला शहरात विकासाची कामे अविरत सुरू राहतील, असे विश्वास व्यक्त करत राज्याचे अन्न,नागरी पुरवठा व ग्राहक संरक्षण मंत्री छगन भुजबळ यांनी येवला
शहरात सुरू करण्यात आलेली कामे लवकरात लवकर पूर्ण करण्यात यावी अशा सूचना सबंधित अधिकाऱ्यांना दिल्या.
येवला शहरातील विविध विकास कामांचे भुमिपूजन व लोकर्पण प्रसंगी मंत्री छगन भुजबळ बोलत होते. यावेळी येवला नगरपालिकेचे मुख्याधिकारी किरण देशमुख, सार्वजनिक बांधकाम विभागाचे उपअभियंता सागर चौधरी यांच्यासह अधिकारी व नागरिक उपस्थित
होते.
शिवसृष्टी प्रकल्पाच्या कामाची मंत्री छगन भुजबळ यांच्या कडून पाहणी
येवला शहरात छत्रपती शिवाजी महाराज यांच्या जीवनावर आधारित अतिशय भव्य दिव्य असा शिवसृष्टी प्रकल्प उभा राहत आहे. या प्रकल्पाच्या कामाची मंत्री छगन भुजबळ यांनी आज पाहणी करत कामाला अधिक गती देण्याच्या सूचना सबंधित अधिकाऱ्यांना दिल्या
येवला शहरातील कामांचे आज झाले भूमिपूजन व लोकार्पण
1) रोकडोबा हनुमान मंदिर, बदापूर रोड,येथील रोकडोबा हनुमान मंदिर परिसरात सभामंडप बांधणे कामाचे भूमीपूजन (रु. १५० लक्ष)
2) हुतात्मा स्मारक, येवला येथे हुतात्मा स्मारक येथे स्तंभ बांधणे व अनुषांगिक विकासकामे करणे या कामांचे भूमीपूजन. (रु. २६.३९ लक्ष)
3) येवला शहरातील गंगादरवाजा भागात राष्ट्रसंत संताजी जगनाडे महाराज प्रवेशद्वाराचे बांधकाम करणे
४) येवला शहरातील प्रभाग क्र. १२ अनु.जाती वस्तीमधील भिमालयाजवळ बहुउद्देशीय सभागृह आणि अभ्यासिकेचे बांधकाम करणे. (रु. ७० लक्ष)
५) नागड दरवाजा सर्कल जवळ, येवला येथील इकरा स्विटस् ते हिंदुस्तानी मस्जिद पावेतो रस्ता कॉक्रिटीकरण व भुयारी गटार बांधकाम करणे कामाचे भुमीपूजन (रु. ५२.४५ लक्ष)
6) बुंदेलपुरा, येवला दिपक परदेशी यांच्या घरामागील बाजु पासुन ते नडे यांच्या घरापावेतो रस्ता कॉक्रिटीकरण व भुयारी गटार बांधकाम करणे कामाचे भुमीपूजन (रु. ५७.५५ लक्ष)
७) जब्रेश्वर खुंट, येवला येथील इंद्रनिल स्विटस् (गणपती मंदिर) ते जब्रेश्वर खुंट पावेतो रस्ता कॉक्रिटीकरण करणे कामाचे भुमीपूजन (रु. ८६.१५ लक्ष)
८) राजे रघुजी बाबा मंदिर परिसरात सभामंडपाचे लोकार्पण. (रु. ९८.४३ लक्ष)
९) विंचूर रोड, येवला येथे छ. संभाजीनगर राज्य मार्ग ते बोगार साहेब यांच्या घरापावेतो रस्ता कॉक्रिटीकरण व भुयारी गटार बांधकाम करणे कामाचे भूमीपूजन (रु. ४९.५३ लक्ष)
10) पटेल कॉलनी, संजीवनी स्कुल जवळ, येवला येथे आगमन व येवला शहरात पटेल कॉलनी भागात संजीवनी स्कुल ते आमदार यांचे बंगल्यापावेतो रस्ता कॉक्रिटीकरण करणे कामाचे भूमीपूजन (रु. २६.५३ लक्ष)
000000