मुंबई, दि. १ : महाराष्ट्राच्या हरित क्रांतीचे प्रणेते, माजी मुख्यमंत्री वसंतराव नाईक यांच्या जयंतीनिमित्त त्यांना मुख्यमंत्री देवेंद्र फडणवीस यांनी विधानभवन येथे विनम्र अभिवादन केले.
विधानभवन प्रांगणातील स्व. वसंतराव नाईक यांच्या पुतळ्यास तसेच प्रतिमेस मुख्यमंत्री देवेंद्र फडणवीस यांच्यासह विधानपरिषदेचे सभापती प्रा. राम शिंदे, विधानसभा अध्यक्ष ॲड. राहुल नार्वेकर, विधानपरिषदेच्या उपसभापती डॉ. नीलम गोऱ्हे, उपमुख्यमंत्री अजित पवार, सांस्कृतिक कार्य मंत्री ॲड. आशिष शेलार आदी मान्यवरांनीही पुष्पहार अर्पण करून विनम्र अभिवादन केले.
स्व. वसंतराव नाईक यांची जयंती कृषी दिन म्हणून साजरी केली जाते. त्यानिमित्ताने मुख्यमंत्री श्री.फडणवीस यांनी शुभेच्छा दिल्या आहेत.
000
