मुंबई, दि. २१ : महाराष्ट्राचे राज्यपाल तथा विद्यापीठांचे कुलपती जिष्णु देव वर्मा यांनी ‘स्वयंसिद्धा’ या राज्य सार्वजनिक विद्यापीठांशी संबंधित महिला सक्षमीकरण पोर्टल संदर्भात राज्यातील विद्यापीठ समन्वयकांशी लोकभवन येथून ऑनलाईन पद्धतीने संवाद साधला.
‘स्वयंसिद्धा’ हे महिलांना शिक्षण, कौशल्य विकास, नेतृत्व, उद्योजकता आणि रोजगारक्षमता वृद्धी यांच्या माध्यमातून सक्षम करण्याचे प्रभावी व्यासपीठ असून ते अधिक संवादात्मक, समावेशी, आकर्षक आणि नाविन्यपूर्ण बनवावे अशी सूचना राज्यपालांनी यावेळी केली. विद्यापीठांनी या पोर्टलवर राज्यातील तसेच राज्याबाहेरील अधिकाधिक विद्यार्थिनींची नोंदणी करावी तसेच विविध क्षेत्रांतील प्रेरणादायी व्यक्तींना या मंचावर संवादासाठी आमंत्रित करण्याचे राज्यपालांनी सांगितले.
यावेळी एसएनडीटी महिला विद्यापीठाच्या कुलगुरु प्रा. उज्ज्वला चक्रदेव, राष्ट्रसंत तुकडोजी महाराज नागपूर विद्यापीठाच्या कुलगुरु डॉ. मनाली क्षीरसागर तसेच ‘स्वयंसिद्धा’च्या राज्य समन्वयक अनुराधा पोतदार यांनी सादरीकरण केले.
0000
