नाशिक, दि. ४ (जिमाका वृत्तसेवा) : राज्याचे शालेय शिक्षण मंत्री दादाजी भुसे यांनी आज दुपारी दिंडोरी येथे अपघात झालेल्या घटनास्थळाला भेट देत कार अपघाताची माहिती घेतली.
दिंडोरी येथे कार विहिरीत कोसळून झालेल्या अपघातात नऊ जणांचा मृत्यू झाला. या पार्श्वभूमीवर मंत्री श्री. भुसे यांनी भेट दिली. मंत्री श्री. भुसे यांनी सांगितले की, कार अपघाताची घटना हृदयद्रावक आहे. या घटनेत मृत्यूमुखी पडलेल्यांच्या नातेवाईकांना राज्य शासनातर्फे पाच लाख रुपयांची मदत करण्यात येणार आहे. तसेच या घटनेची सखोल चौकशीचे आदेश देण्यात आल्याचे त्यांनी सांगितले. यावेळी त्यांच्यासोबत माजी आमदार धनराज महाले यांच्यासह पदाधिकारी उपस्थित होते.
०००००