नवी दिल्ली दि. २८ : कस्तुरबा गांधीस्थित महाराष्ट्र सदनात आयोजित दंत व नेत्रचिकित्सा शिबीराचा लाभ महाराष्ट्र शासनाच्या अधिकाऱ्यांनी तसेच कर्मचाऱ्यांनी घेतला.
नवीन महाराष्ट्र सदनात ‘द केअरींग टच’ च्या सहकार्याने आज दंत आणि नेत्र तपासणीचे एक दिवसीय शिबीर महाराष्ट्र सदनच्या निवासी आयुक्त तथा सचिव आर. विमला यांच्या मार्गदर्शनातून आयोजित करण्यात आले.
याअंतर्गत महाराष्ट्र सदन, महाराष्ट्र परिचय केंद्र, बांधकाम विभाग, विद्युत विभाग,महाराष्ट्र सुरक्षा रक्षक तसेच सदनातील अन्य आस्थेपनेवरील अधिकारी-कर्मचाऱ्यांनी तसेच त्यांच्या कुटूंबियांनीचीही नेत्र आणि दंत तपासणी मोफत करण्यात आली. यासबंधित काही समस्या असल्यास त्याची संपूर्ण माहिती तज्ज्ञाद्वारे देण्यात आली.
द केअरींग टच च्यावतीने दंत चिकित्सक डॉ. क्षितीजा भक्ते, दंत सहायक, नेत्र रोग तज्ज्ञ आदी उपस्थित होते.
या शिबीराचा लाभ सहायक निवासी आयुक्त डॉ. राजेश अडपावार, सारीका शेलार, स्मिता शेलार या अधिकाऱ्यांनी तसेच कर्मचाऱ्यांनी घेतला.
00000
अंजु निमसरकर
